一劃
一三五七九——無傷(雙)
一竹篙攬盡一船人——不分好歹
一步登天——大想頭
一拜深，二拜淺——過猶不及
一個田螺淪鑊湯——冇味
一個酸梅兩個核——今時唔同往日
一家十五口——七嘴八舌
一頭霧水——不知宗
兩劃
七姐反宮衣——花樣隨時變
二奶仔(庶出)——低人一等
二叔公食芋頭——鬆又一個，鬆又一個(鬆，俗指溜走)
二叔公割禾——望下橛
二叔婆挖心——有分有數
二叔婆養豬——好心機
二花面頸——當場火爆
二馬同槽——必然打鬥
八十歲婆婆食狗肝菜——無事找事害
八仙過海——各顯神通
八面臺口——難於應付
十五個水桶——七上八落
十月芥菜——欺(起)心
十月蔗——甜歸尾
十字街頭貼告示——眾所周知
十個罌九個蓋——蓋極唔齊
又想守清又想嫁——把心唔定
三劃
三十一錢分兩份——十五十六
三斤孭二斤——勉力而為
三國盡歸司馬懿——獨撈
三腳凳——坐唔穩
三腳貓——不頂用
丈八金剛——摸不著頭腦
上白米——無腔(糠)
上西天告佛——量你辦不到
乞兒騎馬——濕(瑣)碎多
千尊菩薩一爐香——齊齊有請
口水多過茶——大耍嘴皮
口同鼻拗——終無結果
土地燈籠——夜不收
大石軋死蟹——動彈不得
大光燈——噱噱聲
大板凳——位位都坐得
大泥磚——塞門口
大花面抹眼淚——離行離埒
大花面道白——一番焦慮
大花筒——亂散(大花筒，焰火的一種)
大屋貓——唔喊唔得食
大洲龍船——唔入教(滘)
大海撈針——事渺茫
大鑊蒸餸——樣樣都熟
山水畫——冇人
山頂屎——通天臭
四劃
五十斤柴——一樂(絡)也
六月賞雪——白費心思
六月著皮袍——稱家之所有
切菜刀剃頭——牙煙
太公八十遇文王——發得遲
木頭公仔——任人舞
水瓜打狗——唔見一橛
水流柴——冇定著
水浸缸瓦鋪——盆滿缽滿
水浸眼眉——唔知到死
水殼仔——唔蒲(浮)得幾耐
水過鴨背——點滴不留
水銀瀉地——無孔不入
火腿繩——憑人矜貴
火燒旗杆——長歎(炭)
火麒麟——周身癮(印)
牛奶嘴——阿初哥(學藝的)
牛皮燈籠——點極唔明
牛耕田，馬食穀——各有各的福
牛噍牡丹——唔知花定草
王先生醫眼——有凸
冇(珓)杯菩薩——唔出主張
冇毛雞打交——嘴嘴到肉
冇皮柴——光棍
冇耳皮喼——上託下挾
冇尾飛鉈——收不回來
冇柄士巴拿(扳手)——得棚牙
歇後語大全
冇柄茶壺——得把嘴
冇掩雞籠——自出自入
冇頭烏蠅——亂沖亂撞
冇擫笛——系又喲，唔系又喲
五劃
代人(靈童)——冇性(姓)
冬前臘鴨——一隻帶一隻
出爐鐵——不打不成器
包尾大翻——壓軸好戲
半斤八両——兩相當
半夜食黃瓜——唔知頭共尾
古老石山——一景
四方木——踢一踢，轆一轆
外生狗——養唔熟
失匙夾萬——錢多唔到手(夾萬，俗稱指保險箱)
市橋蠟燭——假細心(芯)
打屎窟打邊爐——絕唔同味
打真軍——功夫過硬
打錯更——失預算
打齋鶴——度人昇仙(誘向壞嗜好)
打爛齋缽——一朝破戒
瓜甜蒂苦——物不兩全
瓦封領——包頂頸
瓦面藤菜——晚頭生勾勾，日頭死吊吊
瓦簷獅子——叻到吻(滿)
瓦罉煲飯——旁邊出氣
生仔姑娘醉酒佬——說怕不怕
生白果——腥夾悶
生骨大頭菜(蕪菁)——縱(種)壞
生蟲柺杖——靠唔住
生雞入，雞出——被剦(刮削)
生銹刀——聽喝(粵俗稱磨刀為喝)
生螆貓——入眼
甩繩馬騮——抓佢唔到
白毛豬——家家有
白鼻哥陪考——聽丟架
白撞雨——贊(蘸)壞人
白鴿眼——附旺不附衰
白蟻蛀觀音——自身難保
白露水——冇益人
白蟮上沙灘——唔死一身潺(涎)
皮鞋筋——一扯就到
石地塘鐵掃把——硬鬥硬
石灰籮——到處留痕
石室鐘——大聲夾冇準
石屎樓——無叮(釘)無板(嘲唱曲不合節拍)
石獅子——大開口
禾杆穿針——難過眼
光棍佬教仔——見便宜莫貪
光棍遇著冇皮柴——滑鬥滑